Son Xəbər: Ombudsman bələdiyyə seçkilərində səs verib, Bu gün Azərbaycanda bələdiyyə seçkiləri keçiriləcək, Azərbaycanda tramvaylar fəaliyyətə başlayır - Ünvanlar AÇIQLANDI, Rəşad Nəbiyev Prezidentə məruzə TƏQDİM ETDİ, Milli Məclisin yaz sessiyasında ilk iclas - Gündəlik AÇIQLANDI, HP: Neft qiymətlərinin enməsi ARDNF-nin aktivlərinin azalmasına səbəb ola bilər, KİV: Reyunyon adası Parisin dənizaşırı ərazilərdəki qəddarlığının nümunəsidir, Azərbaycan Prezidenti: Zəngəzur dəhlizi artıq dünyada qəbul edilmiş termindir, Fransa I rübdə Ukraynaya “Mirage” qırıcıları göndərəcək, Şəxsiyyət vəsiqələrinin vaxtı keçmiş seçicilər bələdiyyə seçkilərində iştirak edə biləcəklər,

Xaric edilən kursantlar müddətli həqiqi hərbi xidmətə göndəriləcək

Tarix: 27-01-2025, 17:21

Azərbaycanda xaric edilən kursantlar müddətli həqiqi hərbi xidmətə göndəriləcək.

Bununla bağlı Prezident İlham Əliyev “Hərbi xidmətkeçmə haqqında” Əsasnamənin təsdiq edilməsi barədə” və “Hərbi vəzifə və hərbi xidmət haqqında” qanunlarda dəyişiklik edilməsi barədə” qanuna dəyişikliyi təsdiqləyib.

Belə ki, müvəffəqiyyətsizliklərinə, təhsillərini davam etdirmək istəmədiklərinə və ya intizamsızlıqlarına görə hərbi qulluqçu hazırlayan xüsusi təyinatlı ali təhsil və ya orta ixtisas təhsili müəssisələrindən xaric edilən (18 yaşınadək və ya xəstəliyi ilə əlaqədar hərbi xidmətə yararsız hesab olunduqlarına görə xaric edilən və ya müddətli həqiqi hərbi xidmət keçmiş şəxslər istisna olmaqla) kursantlar müddətli həqiqi hərbi xidmət keçmək üçün hərbi hissələrə göndəriləcəklər.

Bu zaman həmin kursantların hərbi qulluqçu hazırlayan xüsusi təyinatlı ali təhsil və ya orta ixtisas təhsili müəssisələrində aldıqları təhsil müddətinin hər 4 günü 1 gün sayılmaqla müddətli həqiqi hərbi xidmət müddətinə hesablanacaq və onlar xidmət müddəti başa çatdıqda müvafiq icra hakimiyyəti orqanının qərarına əsasən ehtiyata buraxılacaqlar.